ग्रामपंचायत कार्यालय बदद्ल माहिती

ग्रामपंचायत माहिती

नाशिक शहरापासून साधारण ३५ किलोमीटरवर नाशिक-पेठ रस्त्यावर असलेला आंबेगण हा एक छोटासा आदिवासी पाडा. मात्र, या पाड्याचे वैशिष्ट म्हणजे येथे राष्ट्रीय स्मारक हा दर्जा मिळालेले एक प्राचीन मंदिरही आहे. गावात पूर्वी आंब्याची खूप झाडे होती म्हणून गावाला आंबेगण म्हटले गेले असावे, असे तेथील ग्रामस्थ सांगतात. आंबेगणमधील प्राचीन मंदिर हे भगवान शिवाला समर्पित आहे. मंदिर वैशिष्ट्यपूर्ण असून, येथील शिल्पकला आपल्याला मोहात पाडते. मंदिर पूर्वाभिमुख असून मुखमंडप, सभामंडप, अंतराळ व गाभारा अशी मंदिराची रचना आपल्याला दिसून येते. प्रवेशद्वार नक्षीकामाने सजलेले दिसते. मंडपाचे छत मात्र आता कोसळले आहे. आंबेगणचे हे महादेव मंदिर भूमीज शैलीतील असून, ते यादवांच्या काळात बांधले गेले असावे असे वाटते.